شەفەق نیوز - بەغداد
سەرچەوەیگ ئەمنی، ئمڕوو یەکشەممە، خەوەر دا لە کەفتن فڕۆکەیگ بیفڕۆکەوان لە نزیک فڕۆکەخانەی ناودەوڵەتی بەغداد.
سەرچەوەگە ئەرا ئاژانس شەفەق نیوز وت: فڕۆکەیگ بیفڕۆکەوان (درۆن) نیمەڕو ئمڕوو، لە ئاوایی رەعید لەناو قەزای رەزوانییە کەفت، وەبی هۊچ زەخمدارییگ وەرچەو.
جی باسە کە رەزوانییە کەفێدە ناو ناوچەیل نزیک لە فڕۆکەخانەی ناودەوڵەتی بەغداد، و هۊچ وردەکارییگ زیاتر نەڕەسیە لە جۊر فڕۆکەگە و ئایا فڕۆکەخانەگە کردیەسە ئامانج.