شەفەق نيوز- بەغداد 

سەرچەوەیگ ئەمنی، ئمڕوو شەممە، خەوەردا لە دەرچگن فەرمان دەسگیرکردن دادوەری وەبان خانمە چالاکوان لە سۆشیال میدیا  "جيهان فەیلی" وە توومەت ناوەڕۆک ئاست نزم.

سەرچەوەگە ئەرا ئاژانس شەفەق نیوز وت: دادگای تاوانەیل کەرخ لە بەغداد، فەرمان دەسگیرکردن وەبان چالاکوان سۆشیال میدیا جیهان فەیلی کە وەناسناو "تاهۆ العز لله" ناسیاس، وە توومەت بڵاوکردن ناوەڕۆک ئاست نزم.

سەرچەوەگە دیاری کرد کە ئی بڕیارە دویای ریکارەیل دەسەی ناوەڕۆک نزم لە وەزارەت ناوخۆی عراق تیەێد، کە کەفتە شوین چالاکییەیل ئینتەرنێتی توومەتبارەگە.

 فەیلی دویای بڵاوکردن پارچە ڤیدیۆیگ کە ماشین گرانبەهای خوەی مارکەی تاهۆ نشان دەێد، مەردمیگ هاتنە دەنگ لەبانی، کە ئەویش ناچار بوی سەرچەوەیل دارایی ئاشکرا بکەێد، و دیاری کرد کە کە باوگی پشتگیریی کەێد وە پویل.

جی باسە کە وەزارەت ناوخۆی عراق سەکوویگ دروس کرد وەناو (ئاگاداری توومار بکە) کە زیاتر لە 68 ئاکادارکردن لەبان ناوەڕۆک نزم وەرگردیە.