شەفەق نیوز/ هەنای داعش دەس وەبان مووسڵ گرد، مۆزەخانەی شارەگە وێرانکرد، فرەی پارچە ئاسەوارییە شکان و بەشێگیان دزی، ئیسە تیمیگ شۊنەوارناسان مۆزەخانەی لۆڤەر لە فەرەنسا، هاتنە ئەرا عراق و کار ئەرا خاسەوکردن مۆزەخانەگە و گردکردن پارچە شکیای پەیکەرەگان کەن، فەرمانبەرەیل مۆزەخانگەیش، لەبان چۊنیەتی رەفتارکردن وەگەر ئێجۊرە گرفتەیلە باس کەن.  

دانیال ئیبلد، شارەزا لە  شۊنەوارناسی لە مۆزەخانەی لۆڤەر- فەرەنسا، راگەیان: "ئەرک سەرەکیمان وەخشین زانیارییە وە فەرمانبەرەیل مۆزەخانەی مووسڵ، ئەرا ئەنجامدان کارەیلیان، هووکارەیان کەیمن، چۊن رەفتار بکەن وەگەرد ئێجۊرە گرفتەیلە".    

لە ساڵ 2014 داعش مۆزەخانەی مووسڵ وێران کرد، لەوەر ئەوە ئیسە خوازێد وە هۊردی پارچەیلیان جەمەوبکرێد و وە جۊر زانستیگ وە یەکەو بلکنێد ، تا  پەیکەرەگەی وەرین وەدەسباێد.