شەفەق نیوز/ سەرچەوەیلیگ ئەمنی لە دیالە و سەڵاحەدین خەوەر لە ویرانکردن چەن ئامانجیگ ئەرا ریخریاگ داعش لە دیالە و سنوور سەڵاحەدین و کوردستان دان.

سەرچەوەگە ئەرا ئاژانس شەفەق نیوز وت؛ فڕوکەی جەنگی چەن ئامانج وحەشارگەیگ ئەرا داعش لە دەورگرد ناحیەی جەلەولا لەنزیک تەپەیل حەمرین لە ئۆپراسیۆنەیل پاکەوکردن سنوور دیالە وەگەرد هەرێم کوردستان ویران کرد.

وتیش؛ فڕۆکەی جەنگی لەماوەی زیاتر لە دوو هەفتە چەن گورزیگ وەشانە ناو ناوچەیل زۆر باکوور جەلەولا ک بویە هووکار ویرانکردن نزیکەی ٢٠ حەشارگا و شوونیگ ئەرا داعش.

لە سەڵاحەدین، سەرچەوەیگ ئەمنی دووپات لە ویرانکردن حەشارگەیل داعش وە گورزەیلیگ ئاسمانی لە باکوور پارێزگاگە لە نزیک کوێەیل مەکحوول کرد.

سەرچەوەگە وتیش: فڕۆکەی جەنگی گورزەیل خەسیگ لەبان شوونەیلیگ کرد ک گومان وە هەسی ئەندامەیل داعش لەناویان کریەێد لەناوچە کوێەکان لەناوبەین سەڵاحەدین و کوێەیل مەخموور وەبی ئاشکراکردن لە ئەنجام ووردیگ لە گورزەکان.