شه‌فه‌ق نيوز/ ئه‌ياد عه‌لازى سه‌رۆك مه‌نبه‌ر عراقى، وشدارى له‌باره‌ى كه‌فتنه‌وه‌ى ئه‌نجامه‌يل خراو و مه‌ترسيداريگ ك عراقيش بگرێده‌و له ئاكام په‌لاماره‌يل سوپاى توركيا له سوريا.
عه‌لاوى له به‌ياننامه‌يگ رووژنامه‌گه‌رێ وت: سه‌دان هه‌زار هاووڵاتى خه‌ريكه وه‌ره‌و عراق هه‌يوان له ئه‌نجام په‌لاماره‌يل سه‌ربازى و باس له‌وه‌يش كرد ك شانه‌يل خه‌فتگ داعش ئى هه‌ڵويسته ئستغلال ئه‌كه‌ن.
جى باسه، عه‌لاوى داوايش له حكومه‌ت كرد گشت ئاماده‌كارييگ بكا ئه‌را ئه‌گه‌ره‌يل ئاواره‌بوين هاووڵاتيه‌يل سوريا و پلان توكمه دابنه‌ێد و داوايش كرد پشتگيرى ته‌واويگ له هه‌رێم كوردستان بكريه‌ێد وه ئه‌وه‌گ وێستگه‌ى سه‌ره‌كيه ئه‌را پيشوازيكردن له‌و ئاواره‌يله ك له‌خوه‌رهه‌ڵات فوراته‌وه ئاواره بوون.