شه‌فه‌ق نيوز/ عادل عه‌بدولمه‌هدى سه‌رۆك ئه‌نجومه‌ن وه‌زيره‌يل، چه‌وى كه‌فته ئه‌ندامه‌يل نێرده‌ى يه‌كێتى ئه‌وروپا له عراق، ئه‌را گفتگوو له‌باره‌ى په‌يوه‌نديه‌يل ستراتيجى ناونى عراق و ئه‌وروپا و پته‌وكردن به‌رژه‌وه‌نديه‌يل هاوبه‌ش و روێ وه‌ڕوێ بوينه‌وه‌ى داعش و چوينێتى رێگرى له گله‌وخواردنى و ئه‌و رۆڵ خاسه ك عراق ديرێده‌ى ئه‌را مقه‌يه‌تيكردن له ئاسايش و سه‌قامگيرى له ناوچه‌گه.
له‌و ديداره باس له دويايين رويداگه‌يل له عراق كريا سه‌رۆك وه‌زيره‌يليش هه‌ڵويست حكومه‌ته‌گه‌ێ ده‌رخست له رێزگرتن له ماف خوه‌ينيشانداين ئاشتيانه‌و مقه‌يه‌تيكردن خوه‌ينيشانده‌ره‌يل و سيستمه‌م گشتى و فه‌رمان هيزه‌يل ئه‌منى له‌باره‌ى وه‌كار ناوردن تون وتيژى و دامه‌زرانن ليژنه‌ى په‌يجوورى ئدارى له‌باره‌ى رويداگه‌يل و هه‌واڵه‌كردن دوسيه‌ى ئه‌را دادگا و خستنه‌ڕوێ راسيه‌يل له‌لايه‌ن حكومه‌ته‌و.
لاى خوه‌يانيشه‌و ئه‌ندامه‌يل نێرده‌ى يه‌كێتى ئه‌وروپا جه‌خت له خواست وڵاته‌يليان كردن له‌باره‌ى فراوانكردن په‌يوه‌نديه‌يليان وه‌ل عراق و ده‌سميه‌تداينى له روێ وه‌ڕوێ بوينه‌وه‌ى پاشماوه‌يل داعش و كار هاوبه‌ش له‌وه‌ر پته‌وكردن ئارامى و سه‌قامگيرى و ئه‌زموون ديموكراسى.