شه‌فه‌ق نيوز/ عادل عه‌بدولمه‌دى سه‌رۆك وه‌زيره‌يل ده‌سله‌كاركيشاگ، وشدارى دا له جموجويليگ ك شايه‌ت ئه‌نجامه‌گه‌ى وه‌ره‌و كرده‌وه‌يل جه‌نگ بدێ له عراق.
وشداريه‌يل عه‌بدولمه‌هدى دوياى ئه‌وه هات ك وه‌زاره‌ت وه‌رگرى ئه‌مريكا(پنتاگۆن)فه‌رمان دا سه‌ركرده‌يل سه‌ربازيى له عراق ئاماده بوون ئه‌را كرده‌وه‌يليگ ئه‌گه‌ركرياێ ك شايه‌ت له‌تى فه‌سيله‌يل حزبوڵڵاى سه‌ر وه ئيران بگرێده ئامانج ك واشنتۆن وه وه‌پرس له په‌لاماره مووشه‌كيه‌گه‌ى بان بنگه‌ى سه‌ربازى تاجى زانێده‌ى له 11ى مارس/ ئادار گوزه‌يشت.
عه‌بدولمه‌هدى وت: وه نيگه‌رانييه‌و ته‌ماشاى ئه‌و زانياريه‌يله ئه‌كه‌يم ك هيزه‌يلمان باسى ئه‌كه‌ن له وجوود ته‌ياره‌يل بى موڵه‌ت له نزيك ناوچه‌يل سه‌ربازى و وشدارى ئه‌يه‌يم له مه‌ترسى ئى گامه‌يله ك بدێده هووكار كرده‌وه‌يل خراوه‌كارى جه‌نگ ك هه‌ڕه‌شه‌س ئه‌را ئاسايش هاووڵاتيه‌يل و سه‌رپيچيه له سه‌روه‌رى خاك عراق و به‌رژه‌وه‌ندى باڵاى وڵاته‌گه.