شەفەق نیوز- بەغداد

کۆمپانیای نەفت نیشتمانی کۆریای باشوور راگەیان، کە عراق 38.344 ملیۆن بەرمیل لە نەفت خام هەناردەی کۆریای باشوور کردگە لە ماوەی هەشت مانگ یەکەم لە ساڵ 2026، وە داوەزینیگ کە رێژەگەی رەسێدە 45.6% لە وەراورد وەرد خود ماوەگە لە ساڵ وەرین.

کۆمپانیاگە، لە خشتەیگ کە ئاژانس شەفەق نیوز چەو وەپی خشانیە، دیاری کرد کە سعوودیە هاتگەسە وەر لیست ئەو دەوڵەتەیلە کە نەفت هەناردەی کۆریای باشوور کەن وە بڕ 196.215 ملیۆن بەرمیل، وە داوەزینیگ وە رێژەی 15.65% لە وەراورد وەرد خود ماوەگە لە ساڵ 2025، و لە دۊای ئەویش وڵاتە یەکگرتگەیل هات وە بڕ 131.094 ملیۆن بەرمیل، ئمجا ئیمارات وە 101.556 ملیۆن بەرمیل.

وتیش کە عراق کەفتە پلەی چوارەم، چۊنکە هەناردەیلی لە 70.550 ملیۆن بەرمیل لە ماوەی وەرانوەر لە ساڵ 2025 گلەو خوارد ئەرا 38.344 ملیۆن بەرمیل لە هەشت مانگ یەکەم لە ساڵ ئیسە.

کۆمپانیاگە دیاری کرد کە کوەیت لە پلەی پەنجەم هات وە هەناردەیلیگ کە رەسیە 36.708 ملیۆن بەرمیل، و لە دۊای ئەویش سەڵتەنەی عومان هات وە بڕ 19.404 ملیۆن بەرمیل.