شەفەق نیوز/ وەزارەت دەرەوەی عراق، ئمڕوو یەکشەممە، شەرمەزار و رەتکردن تونی وەرانوەر ئەو تەقینەوەی دوانیە نشان دا ک بارەگای وەزارەت پەروەردەی سۆمال لە مەقەدیشۆی پایتەخت کردە ئامانج، و بڕیگ لە کوشیان و زەخمداری لەلی بویەو.
وەزارەتەگ لە بەیاننامەیگ هاوخەمیی وەرد گەل سۆمال و خانەوادەی قوربانیەیل نشان دا.
بەیاننامەگە دووپات لە هەڵویست عراق کرد ک رەت تیرۆر وەگشت شیوەیلی کەێد، و وسیانی وەگەرد کۆمەڵگای ناودەوڵەتی ئەرا نواگردن تیرۆر، وەتایبەت عراق ک نوای تەکفیر و تونەڕەوی وەگشت شیوەیلی گرد، هەمیش دووپات لەبان گرنگی نواگردن هویرکردن ئیجویر گرووپەیل تونەڕەوە کرد.
وەرجەیە، حەسەن شێخ مەحمود سەرۆک سۆمال لە وەخت زوییگ شەوەکی ئمڕوو یەکشەممە لە بەیاننامەیگ وت: ١٠٠ کەس لەلای کەمەو کوشیان و ٣٠٠ کەسیش زەخمدار بوین، لە تەقیان دوو ماشین لەوەردەم وەزارەت پەروەردە لە مەقەدیشۆی پایتەخت.
هویچ لایەنیگ وەپرسیاریەتی خوەی لەی پەلامارە ئاشکرا نەکردیە، باوجی سەرۆک سۆمال گلەیی خستە مل بزووتنەوەی تونەڕەو گەنج ئیسلامی.