شەفەق نیوز/ دەسەی ئامار تورکیا، ئمروو سێشەممە، راگەیان، عراقیەیل پلەی چوارەم وەدەسهاوردنە لە سەنین موڵک لەتورکیا لەماوەی مان دیسەمبەر وەرین.

دەسەگە لە راپۆرتیگی کە ئاژانس شەفەق نیوز دیەسێ وت؛ فروشتن ماڵ لە تورکیا وە رێژەی  53.4% لەماوەی مانگ دیسەمبەر بەرزەوبویە بەراورد وە هەمان مانگ لە ساڵ وەرین کە رەسیە   212 هەزار  و637 ماڵ. 

وتیش فروشتن ماڵ وە بیانیەیل وە رێژەی  17.2% لەماوەی دیسەمبەر بەرزەوبویە بەراورد وە هەمان مانگ لە ساڵ وەرین  رەسیە 2 هەزار و418 ماڵ.

دەسەگە دیاریکرد "روسیەیل هانەلوتکەی  ئەو وڵاتەیلە زیاترین مولک لە تورکیا سەندنە لەماوەی مانگ دیسەمبەر وە 421 ماڵ و ئیرانیەیل وە پلەی دویەم تێن وە سەنین 200 ماڵ، و ئۆکرانیەیل سێیەمن وە سەنین 160 ماڵ و عراقیەیل چوارەما وە 147 ماڵ، لەدویانیش ئەڵمانیا تێد وە پلەی پەنجەم  وە 115 ماڵ، ئازەربایجان وە شەشەم تێد وە  110 ماڵ ، کازاخستان وە هەفتەم تێد وە 101 ماڵ، چین وە پلەی هەشتەم تێد وە 88 ماڵ، سعودیە وە نۆیەم تێد وە  56 ماڵ و بەریتانیا دەیەمە وە ـ54 ماڵ.