شەفەق نیوز/ وەزارت تەندروسی وژینگەی عراق، ئمڕوو پەنجشەممە، راگەیان تۆمارکردن نزیکەی ٧٠٠٠ تووشهاتن نوو وە ڤایڕۆس کۆڕۆنا لە گشت ناوچە و شارەیل وڵاتەگە لە ماوەی ٢٤ ساعەت گوزەیشتە.
وەزارەتەگە لەبەیانامەیگ رەسیە ئاژانس شەفەق نیوز وت: ٦٩٤٨ تووشهاتن نوو تۆمار کردگە، تا گشت ژمارەی تووشهاتنەکان بڕەسێدە ١٩٠٢٤٠٧.
وتیش؛ ٧٢٦٥ بیمار لە پەتاگە خاسەو بوینە تا گشت ژمارەی خاسەوبویەکان بڕەسێدە ١٧٤٨٧٥٨.
بەیاننامەگە باس تۆمارکردن ٥٦ مردن لەوەر پەتاگە کرد، تا گشت ژمارەی مردنەیل بوودە ٢٠٩٣٤.