شەفەق نیوز/ عراق پلەی پەنجەم عەرەبی و 109یەم جەهانیە لە مژار کشاوەرزی و کە لە پەیمانگای  EPI توێژینەوەی ئەمریکی دەرچگە، کە مەەنە ئەرا 180 وڵات لە سەرانسەر جەهان کریاس.

 پەیمانگاگە لە راپۆرتیگ کە ئاژانس شەفەق نیوز دیەسێ  ئاشکرایکرد "مژارەگە پەیمانەی تەقەلایەیل برهەمهاوردن خوەراک و بەرهەمە کشاوەرزیەیل ترەک کەێد وەرد سنووردانان ئەرا رخداریەیل کشاوەرزی لەبان ژینگە" دیاریکرد "پشت وە چوار لقە نیشانەیل بەسێد کە بریتین لە :

پەیمانەیل وەڕێوەبردن نایترۆجینی وەردەوام (SNMI)، پەیمانەیل بەرهەمەیل رێژەیی، رخداریەیل پیسبوین قڕکەر، و زیادەڕۆیی فسفۆر".

وەپای داتایەیل، عراق 49.6 خاڵ وە دەس هاورد لە بنەرەت 100 خاڵ، لە پلەی 109ی جەهانی دانریا و پەنجەم عەرەبی پۆلین کرێد.

ئەمریکا وە لوتکەی لیست جەهانی دانرێد وە  83 خاڵ، ئەرەنتین پلەی دویەمە وە 81.4 خاڵ،  بەڕازیل وە 81 خاڵ، ئەڵمانیا وە 78.8 خاڵ، کۆمار دۆمینیکان وە کووکردن 78.7 خاڵ پلەی پەنجەم وەدەسهاورد، لائۆس وە 78.5 خاڵ، دواتر دانیمارک وە 77.8 خاڵ. 

لە وەرانوەر  وڵاتەیل جویر   ترینیداد و تۆباگۆ و برۆنێی لە پلەیل خوار لیستەگە هاتنە و 22.5 خاڵ و 24.1 خاڵ وەدسهاوردنە.

لەبان ئاست عەرەبی،  عومان لە پلەی یەکەم پەیمانەیل کشاوەرزیە وە  کووکردن 70.7 خاڵ، کوەێت وە 59 خاڵ، سعودیە وە 53.8 خاڵ، لوبنان وە 50.3 خاڵ، عراق لە پلەی پەننەم، میسر وە 48.9 خاڵ لە پلەی شەشەم، سودان وە 48.5 خاڵ پلەی هەفتەم وەدەسهاورد.