شەفەق نیوز/ دەسەی نەفت و وزەی پەرڵەمانی، ئمڕوو چوارشەممە، ئاشکرای نیاز وەزارت نەفت کرد لە کەمەوکردن نرخ بانزین موحەسەن ک لە فرەگەی دەوڵەمەنەگان وەکاری تیەرن.
غالب محمد ئەندام دەسەگە ئەرا ئاژانس شەفەق نیوز وت: دەسەی نەفت و وەزەی پەرلەمانی زیاتر لە یەک داواکاری داگە وەزارت نەفت ئەرا کەمەوکردن نرخ سووتەمەنی ماشین و نەفت چەرمگ، و ئاماژە کرد ک نیازیگ لەلای وەزارەتەگە هەس وە کەمەوکردن نرخەگان لە ماوەی ئایندە.
وتیش؛ ئەوەسا وەزارت نەفت نرخ بانزین موحەسەن لە ٨٥٠ دینار کومەو کەێد ئەرا ٦٥٠ دینار، و ئاماژە کرد ک هاووڵاتیەگان وەشیوەی گشتی بانزینە ئاساییەگە ک نرخەگەی رەسێدە ٤٥٠ دینار وەکار تیەرن.