شەفەق نیوز/ مەهدی میر ئەشرەفی وەرپرس بەرژەوەندی گومرگەیل ئیران، ئمڕوو یەکشەممە، راگەیان ک عراق کەفتە پلەی یەکەم لە هاوردەی شمەک لە ئیران لەماوەی ٧ مانگ لە ٢٠ ڕادار تا ٢٠ تەشرین یەکەم ٢٠٢٠.
میر ئەشرەفی لە وتارەیلی ئەرا میدیایل ئیرانی ئمڕوو وت: عراق بایی ٤،٨ ملیار دۆلار هاوردەی چشتەیل لە ئیران لەو ماوە کردگە، و وڵات چین لە دوویەم پلە هات وە بایی ٤،٤ ملیار دۆلار، وئیماڕات لە سێیەم وەبایی ٢،٢ ملیار دۆلار، وتورکیا لە چوارەم وە ١،٤ ملیار دۆلار، و ئەفغانستان لە پەنجەم وەبایی ١،٣ ملیار دۆلار.