شەفەق نیوز - بەغداد / واشنتۆن

داتایەیل وەڕێوەبەرایەتی زانیارییەیل وزەی ئەمریکی، ئمڕوو یەکشەممە، نیشان دان کە عراق کەفتیەسە پلەی دەيەم لەناو لیست گەوراترین هەناردەکارەیل ئەرا نەفت خاو ئەرا ویلایەتە یەکگرتگەیل ماوەی هەفتەی گوزەشتە.

و وەپای داتایەیل، کە ئاژانس شەفەق نیوز چەوی وەپی کەفتگە، کەنەدا کەفتە سەرەتای لیست هاوردەکارەیل وە بڕ 3 ملیۆن و 926 هەزار بەرمیل رووژانە، و وەدۊایی ڤەنزوێلا هات وە 599 هەزار، دۊای ئەوەیش سعودیە وە 347 هەزار، و مەکسیک وە 297 هەزار، و کۆلۆمبیا وە 239 هەزار.

 بەرازیل هاتە پلەی شەشەم وە 235 هەزار بەرمیل رووژانە، و وەدۊایی نێجیریا هات وە 232 هەزار، و ئەرجەنتین وە 173 هەزار، و غیانا وە 65 هەزار، لە وەختیگ عراق کەفتە پلەی دەيەم وە 46 هەزار بەرمیل رووژانە، وە تومارکردن بەرزەوبۊنیگ لە وەراورد وەگەرد ئەو هەفتە کە وەرجە خوەی بۊ و رەسیە 38 هەزار بەرمیل رووژانە.

 ئی بەرزەوبۊنە تیەێد دۊای شەلەژانیگ کە دابینکردنەیل عراقی وەرەو بازاڕەیل ئەمریکی وەخوەی دی ماوەی هەفتەیل گوزەشتە وە مدوو ئەو ئاڵووزییە ئەمنییەیلە کە ناوچەگە وەخوەی دوینێد، و پەکخستن دابینکردن زنجیرەیل وزە لە گەروو هورمز.