شەفەق نیوز - بەغداد

عراق لە پلەی هەفتەم جیهانی هاتەو لەناو پەیمانەی  نرخ موڵک‌وماڵ ئەرا داهات، وە رێژەی 10.1 خاڵ، وەپای پۆلێنکردن ماڵپەڕ "نومبیو" ئەرا نیمەی ساڵ 2026، کە 108 وڵات گرێدەخوەی.

وەپای داتای ماڵپەڕەگە، مسر بەرزترین رێژە توومار کرد لەناو وڵاتە عەرەبییەیل دیاریکریاگ لە پۆلێنکردنەگە، وە 18.3 خاڵ، و لوبنان 16.9 و جەزائیر وە 15 خاڵ و مەغریب وە 13.6 خاڵ، و تونس وە 12.8 خاڵ، ئوردن 6.7 خاڵ، و کوەیت 6.1 خاڵ، و بەحرێن 5 خاڵ، و سعودیە 4.7 خاڵ، و قەتەر 4.5 خاڵ، و  عومان 3.8 خاڵ توومار کردن.

لەبان جیهانی، نیجیریا لە بان لیستەگە هات وە رێژەی 116.3 خاڵ، و لە دویای ئەو سریلانکا وە 55.4 خاڵ، و  غانا وە 49 خاڵ، و هونگ کۆنگ وە 35.2 خاڵ، و فلیپین وە 34.5 خاڵ، و ڤیێتنام وە 32.7 خاڵ توومار کردن.

لە وەرانوەر، ویلایەتە یەکگرتگەیل کەمترین بڕ توومار کردن لەناو وڵاتە ناو پۆلینەگە، وە 3.4 خاڵ، و لە دویای ئەو باشوور ئەفریقیا وە 3.1 خاڵ هات.

پەیمانەی بڕ "نرخ موڵک‌وماڵ ئەرا داهات" وەکار تیەرید ئەرا پەیمانەکردن پەیوەنی لەناو نرخ ماڵەیل و ئاست داهات دانیشتگەیل، چوینکە رێژەی بەرزتر وەشیوەی گشتی دیاری ئەرا  سەنن مڵک‌وماڵ داهات گەپتریگ بەراورد وە نرخەیل خوەی تواد، کە پیچەوانەی کەمبوین توان هەڵگردن خەرج سەنن ماڵەیلە.