شەفەق نیوز - بەغداد / ئەنقەرە

عراقییەیل ئامادەبوینیگ لەناو لیست فرەترین رەگەزنامە بیانییەیل ئەرا سەنین ماڵ لە تورکیا لە ماوەی مانگ تشرین یەکەم/ئۆکتۆبەر 2026 توومار کردن، وە سەنین 159 ماڵ، تا پلەی سێیەم لە دویای هاووڵاتییەیل رووس و ئیرانی وەربگرن، وەپای ئامارەیل پەیمانگای ئاماری تورکی (TÜİK).

ئامارەیل کە ئاژانس شەفەق نیوز وەپییان ئاگادار بویە دەرخسن  فرووشتن ماڵ وە بیانییەیل لە تورکیا وە رێژەی 0.9% لە ماوەی ئۆکتۆبەر وە بەراورد وەگەرد هەمان مانگ لە ساڵ گوزەشتە بەرزەو بویە، تا برەسێدە 2259 ماڵ، کە رێژەی 1.7% لە بڕ گشتی فرووشتن ماڵ لە وڵاتەگە پێک هاوردگە.

هاووڵاتییەیل رووس لە پلەی یەکەم لە ناو سەنینکارەیل بیانی هاتن وە سەنین 477 ماڵ، لە دویای ئەوان ئیرانییەیل وە 193 ماڵ، ئیجا عراقییەیل وە 159 ماڵ و 7 موڵک بازرگانی، لە دویای ئەوان ئۆکرانیا وە 152 ماڵ و ئیجا ئەڵمانیا وە 123 ماڵ.

لەبان ئاست دە مانگ یەکەم ئی ساڵە، فرووشتن ماڵ وە بیانییەیل وە رێژەی 3.6% وە بەراورد وەگەرد هەمان ماوە لە ساڵ 2025 داوەزیاگە، تا 17,567 ماڵ توومار بکەێد.

وە گشتی، بازاڕ موڵکەیل نیشتەجیبوین لە تورکیا داوەزیانیگ وەرچەو لە ماوەی ئۆکتۆبەر وەخوەیەو دی، چوینکە کوو گشتی فرووشتن وە رێژەی 23.3% لەبان بنەمای ساڵانە داوەزیاگە، تا برەسێدە 131,072 ماڵ، وەرانوەر 170,955 ماڵ لە خود مانگ لە ساڵ گوزەشتە.