شەفەق نیوز/ کەشناس عەلی جابری، ئمڕوو یەکشەممە، پیشبینیکرد پلەی گەرما وە مامناوەندی وەردەوام بوود لە شارەیل عراق وەگەرد بەرزەوبوین کەمیگ چام لە ناوچەیل باشوور خوەرهەڵات.
جابری وە ئاژانس شەفەق نیوز وت، پیشبینی وەردەوام بوین پلەی گەرمای مامناوەندیگ و کەشوهەوای تاوسانی ئاسایی کریەێد وەگەرد وای باکوور مامناوەن هشکیگ.
وتیش هویچ چام يا شەپوولیگ گەرما نییە تەنیا پیشبینی چام کەمیگی کریەێد لە شوینەوارەیل باشوور خوەرهەڵات وە دیاریکریاگی بەسرە و میسان و خورهەڵات کوت و لە شەو رووژ چوارشەممەی بانان وە شیوەی جیاواز وەردەوام بوود تا کۆتایی ئی هەفتە.
وتیش، پلەی گەرما لە گشت شارەیل وە مامناوەندی مینێد بەرزترین پلە ها لە بەسرە و میسان و شارەیل فورات ناوراس رەسێد (٤٨) پلەی سەدی شارەیل ناوراس و باکوور کەمترە.