نوسینگەی راگەیانن سودانی لە بەیاننامەیگ رەسیە ئاژانس شەفەق نیوز وت: سودانی سەرۆکایەتی سێیەم گردەوبوین دەسەی باڵا ئەرا ئاو کرد، و لەناوی باس هەڵوێست ئەمار ئاو ستراتیژی لە وڵاتەگە، و ئاساەیل تەکان ئاوەگە لە دەوڵەتەیل هاوسا، وەگەرد چەودیاریکردن جیوەجیکردن رینمایل وەریم وەلایەن سەرۆک وەزیرەیل، و زاقترین ریگێی لەڕوی جیوەجیکردن پلانەیل ئامادەکریای ئەرا نواگردن قەیران ئاو، و رەوش چارەکردن زویوەزی.
سودانی زوور لە گرنگی خەسەوکردن تەقەلای دیبلۆماسی وەگەرد دەوڵەتەیل هاوسا کرد ئەرا چارەکردن باوەت ئاو، وەو شیوە ک ماف عراق مسۆگەر بکەێد وەگورەی رێکەفتنەیل ناودەوڵەتی.
سودانی فەرمان ئامادەباشی لە تەقەلایل و دابینکردن گشت ئاسانکاری دا، وە ئامادەبوین ئەرا وەرز کشتوکاڵی هاتگ، و شکانن ریگری لەنوای فەرمانگەیل و دامودەزگایل ئەرا وەکارهاوردن تەکنیک ئاویاری نوو و زیرەک، و دووپاتکردن لەبان نواگردن ئەوانەگ رخ مەردم بەن، و پشت وە راگەیانن پیشەیی و وەرپرسانە و ریوشوینەیل یاسایی بوەسیەێد.