شەفەق نيوز/ دەسەی کەشناسی و زەویلەرزەناسی عراق، ئمڕوو سێشەممە، توومارکردن زەویلەرزەیگ لەناو خاک تورکیا وە هاز 5.8 پلە لەبان پەیمانەی ریختەر راگەیان، دووپاتیش کرد کە عراق وەبی کاریگەری لەبان ناوچەیل سنووری روانگەی ئەو زەویلەرزە کرد.

عەلی عەبدولخالق سەرۆک بەش زەویلەرزەناسی لە دەسەگە ئەرا ئاژانس شەفەق نیوز وت: ئەو زەویلەرزە لە تورکیا، وە ئاشکرا لەلایەن روانگەیل زەویلەرزەی عراق توومار کریا، و هازی رەسیە 5.8 پلە لەبان پەیمانەی ریختەر، وەلێ هویچ رخدارییگ یا تەکان لەرزە لەناو خاک عراق یا ناوچەیل نزیک سنوور تورکیا توومار نەکریا.

وتیش: زەویلەرزەگەی تورکیا کاریگەری لەبان ناوچەیل نزیک سنوور عراق و تورکیا نەیرێد، و دیاری کرد کە گورجی زەویلەرزە لە ناوچەی دەریای ناوڕاس چەرمگ وەگشتی چوودەو ئەرا بڕیگ مدوو جیولۆجی کە پەیوەندی وە کەووڵ زەوی و جویلەی گورجی لەو ناوچە دیرێد.

 وتیش: دەریای ناوڕاس کەفێدە ناوەین پارچەی ئەفریقا و پارچەی ئوراسیا، کە یەمەگە وەرەو باکوور جویلە کەێد تا زوور بارێدە بان ئیەگە، کە پارچەیل دەن لەیەک، و کەووڵ زەوی زوور وەبانی تیەێد، ئمجا زەویلەرزە و کویە دروس بوود، جویر کویەیل ئەلب لە ئەوروپا، و کویەیل ئەتڵەس لە باکوور ئەفریقا.

دیاری کرد کە دیارترین دیاردەیل وەگەرد زەویلەرزە خوەی دیاردەی تمیانە (SUBDUCTION)، کە پارچەی ئەفریقا لە ژیر پارچەی ئوراسیا لە ناوچەیلیگ جویر دەریای ئیجە لە باشوور ئیتالیا و باشوور یونان تیمیەێد، کە بڕ گەورەیگ لە وزە کەڵەکە بوود، و وەناکاوەو مەرەقەز کریەێد، تا بوودە زەویلەرزەی تونیگ، وتیش: گڕکانیش لە بەشیگ لە ناوچەیل ناوڕاس جویر کوبەی ئیتنا و فیزۆڤ لە ئیتالیا، و گڕکان سانتورینی لە یۆنان، پەیوەندی وە جویلەی تەکتۆنی دیرن، و فرەجار وەگەرد زەویلەرزە تەکان دەن.

 عەبدولخالق وتیش: شمارەی فرەیگ لە زەنگەیل جیولۆجی لە بن دەریای ناوڕاس هەس، جویر زەنگ ئەنادۆڵ لە تورکیا، و رەنگەیلیگ ترەک وەرانەور کناراوەیل خوەرهەڵات، (لوبنان، فەلەستین، قوبرس) هەسڕ کە سەرچەوەیل سەرەکیین ئەرا زەویلەرزە لە ناوچەگە.

 لە کۆتایی وتیش: دەریای ناوڕاس لەڕوی جیولۆجیا جیماگەی زەریای کوینەیگە وەناو (تیسیش) ناسیاس، و بنەگەی جیگیر نییە، لە ئەنجام ئاڵشتبویەیل جوگرافی لە ماوەی مەلیۆنا ساڵ لە ناوچەگە، دووپات کرد کە دەسەگە وەردەوامە لە چەودیاریکردن گورجی زەویلەرزە لە ناوچەگە، و کار ئەرا گەشەپیدان سیستمەیل هوشداری وەرجەوەختە کەێد.