جه‌عفه‌رى له‌ لێدوانيگ ك(شه‌فه‌ق نيوز)ئاگادارى بوى، وت: وه‌ل عادل ئه‌لچبير وه‌زير خارجيه‌ى سعودى جه‌خت له‌بان ناو ئه‌و باڵوێز سعوديه‌ كرياگه‌و ئيمه‌يش رازى بويمنه‌ له‌بانى و مه‌سه‌له‌گه‌يش چيه‌سه‌ خانه‌ى جيوه‌جيكردن ئه‌را وازكردن باڵوێزخانه‌ى ئه‌و وڵاته‌ له‌ به‌غدا.

جه‌عفه‌رى هه‌ميش وت: تا دويه‌كه‌ى نزيكيگ سعوديه‌ له‌ليمان داوڕياويد و باڵوێزخانه‌ له‌ به‌غدا نه‌ياشت، وه‌لى ته‌كان دايمنه‌ ئى دوسيه‌ وه‌ل ئدارى وه‌رين ئه‌و وڵاته‌ له‌ وه‌خت شا عه‌بدوڵڵا بن عه‌بدلعه‌زيز و ئيسه‌يش له‌ ئداره‌ى شا سه‌لمان جه‌خت له‌بان ئى مه‌سه‌له‌ كريا ئه‌را وازكردن باڵوێزخانه‌ سعوديه‌ له‌ به‌غدا.

ج . أ