شەفەق نیوز - بەغدا
سەرۆک وەزیرەیل محەمەد شیاع سودانی، فەرمان دا وە پشووی فەرمی لە گشت فەرمانگەیل دەوڵەت ئەرا رووژەیل چوارشەممە و پەنجشەممە، وە بوونەی سەرکەفتن هەڵبژاردەی نیشتمانی ئەرا کوتاییەیل جام جیهانی 2026.
ئی بڕیارە دویای ئەوە هات کە "شێرەیل ڕافیدەین" توەنستن خەونە دێرینەگە بکەنە ڕاسی و شوین خوەیان لە مۆندیال واز بکەن، دویای ئەوە کە لە بازییگ لە شەوەکی شەفەق ئمڕوو چوارشەممە لە بازیگەی "مۆنتێری" لە مەکسیک وەڕیوەچی، وە ئەنجام (2-1) لە هەڵبژاردەی بۆلیڤیا بردنەوە، وە یەیش عراق دویای چل ساڵ دابڕان، گلەوخوارد ئەرا ناو مەیدان مێژوویی جیهانی.