شەفەق نیوز ــ ئەنقەرە

وەزارەت روونهویری و گەشتوگوزار تورکیا، ئمڕوو پەنجشەممە، راگەیان عراق پلەی دویەمە لە شمارەی گەشتیارەیل عەرەب لە ماوەی مانگ ئایر ئمساڵ.

وەزارەتەگە لە ئاماریگ کەفتە وەرچەو ئاژانس شەفەق نیوز راگەیان، عڕاق ها پلەی دویەم  وڵاتەیل عەرەبی لە شمارەی گەشتیارەیلی لە ماوەی مانگ ئایار ئمساڵ 2025 کە شمارەی گەشتیارەیلی رەسیەس ئەرا 77 هزار و 164 کەس، لە هەمان وەخت سعودیە پلەی یەکەمە وە 83 هەزار و 423 گەشتیار.

جەزائیر وە 24 هەزار و 381 گەشتیار پلەی سێیەم وەدەسهاوردیە، ئوردن وە 20 هەزار و 329 گەشتیار پلەی چوارەم وەدەسهاوردیە، مەغریب وە 19 هەزار گەشتیار پلەی پێنجەم وەدەسهاوردیە و لوبنان وە 17 هەزار گەشتیار پلەی شەشەم وەدەسهاوردیە.

میسر وە 16 هەزار گەشتیار ها پلەی حەفتەم و کوێت وە 14 هەزار گەشتیار ها پلەی هەشتەم و لیبیا وە 12 هەزار گەشتیار پلەی نۆیەم وەدەسهاوردیە.

وەرجە ئێ مانگە عڕاق وە وەردەوامی پێشەنگ جەهان عرەبی گردبوی لە شمارەی گەشتیارەیل ئەرا تورکیا لە ماوەی ساڵ گوزەشتە.