شەفەق نيوز/ سێ سەرچەوەی ئەمنی، ئمڕوو سێشەممە، خەوەردان لە خوەیکوشتن ژنیگ و رزگارکردن دویەتیگ و پەیاکردن دویەت کوورپەیگ لە بەغداد و میسان و موسەنا.

یەکیگ لە سەرچەوەیل ئەرا ئاژانس شەفەق نیوز خەوەردا لە خوەیکوشتن ژنیگ لە تەمەن 50 ساڵە، کە و پەتیگ لەقەی قەواسەی زەویەگەی لە ئاوایگ لە قەزای عەلی شەرجی لە پارێزگای میسان خوەی داسە سێدارە.

سەرچەوەیگ ترەک، خەوەردا کە هیزیگ ئەمنی، نیمەڕو ئمڕوو، دویەتیگ کوورپە پەیا کرد لە نزیک ماڵ پیرەیل لە ناوچەی سلێخ لە بەغدای پایتەخت فڕە دریاوێد، و نووڕینە کامیرایل چەودیاریکردن تا بزانن کی فرەی داگە، و ئەو دویەتە ئەرا شوینیگ ئارام بریا.

 هەرلیوا، سەرچەوەیگ سێیەم ئەرا ئاژانس شەفەق نیوز وت: دەزگایەیل ئەمنی لە پارێزگای موسەنا، تەقەلای خوەیکوشتن دویەتیگ نزیک پیەڵ پیادە لە سەماوە رزگار کردن.