شەفەق نیوز ــ بەغدا

دسەی کەشناسی و زەویلەرزەناسی عراق، ئمڕوو یەکشەممە، خشتەی نوویگ بەرزترین پلەی گەرمی و پلەی هەس وەپیکریاگ و رێژەی چام توومارکریاگ ئمڕوو نیمەڕوو بڵاوکرد.

وەپای خشتەگە کە ئاژانس شەفەق نیوز دیەسێ، عراق لە گشت پارێزگایەیلی هویچ پلەیگ پەنجاگان توومار نەکردیە.

وتیش، بەسرە و میسان بەرزترین پلە لە عراق توومارکردنە وە 49 پلەی سەدی، و نەجەف دویەمە وە 48 پلەی سەدی.

دیاریکرد، چەمکەیل بەرزترین پلەی گەرمی  (Maximum Temperature) بەرزترین پلەی گەرمی توومارکریاگەلە رووژ لە سای لە بارودۆخیگ پەیمانەیی، و پلەی هەس وەپیکریاگ  (Feels Like Temperature) ئەو پلە گەرمیەس ئایەم هەس وەپی کەێد کاریگەربوود وە رێژەی چام و تونی وا، باوجی رێژەی چام (Relative Humidity) بریتیە لە رێژەی هەڵم ئاو لە هەوا.