شەفەق نیوز/ وەزارەت تەندروسی وژینگەی عراق، ئمڕوو یەکشەممە، راگەیان تۆمارکردن ٣٤٢٢ خاسەوبوین لە ڤایڕۆس کۆڕۆنا، و ٣٥٣١ تووشهاتن نوو، و ٧٣ مردن لەوەر بیماریەگە لەماوەی ٢٤ ساعەت گوزەیشتە.
وەزارەتەگە دیاریکرد ک ژمارەی گشتی خاسەوبوینەگان لە مانگ ئادار گوزەیشتە تا ئیسە رەسیە ٢٢٤٧٠٥ وەرێژەی ٧٧،٤% ، وئاماژەکرد ک ژمارەی گشتی تووشهاتنەگان رەسیە ٢٩٠٣٠٩ ، وژمارەی تووشهاتنەگان لە چارەسەری ٥٧٥٩٠ ، وژمارەی تووشهاتگەگان لە چەودیری وورد ٥٤٦ ، و گشت مردنەگان بویە ٨٠١٤ .