شەفەق نیوز/ وەزارەت تەندروسی و ژینگەی عراق، ئمڕوو دووشەممە، ئەو قسەوباسەیلە لەباوەت گلەوخواردن کەرەنتین تەندروسی گشتگیر، و سەختەوکردن ریکارەیەلە لەرخ هاتن شەپۆل چوارەم لە ڤایرۆس کۆرۆنا وەرەو ناو عراق یەکلاوە کرد.
روبا فەلاح خانمە ئەندام تیم تەندروسی لە وەزارەت تەندروسی و ژینگەی عراق ئەرا ئاژانس شەفەق نیوز وت تا ئیسە هۊیچ بڕیاریگ لەباوەت چەسپیان قەیەغەی جۊلەکردن گشتگیر و سەختەوکردن ریکارەیەلە لەرخ هاتن شەپۆل چوارەم لە ڤایرۆس کۆرۆنا وەرەو ناو باسی نەکریاگە، و دەسەی تەندروسی و سەڵامەتی هۊچ ئاگادارییگ لەی باوەتە وەپیمان نەڕەسانیە.
روبا خان وتیش: تا ئیسە شەپۆل چوارەم پەتای کۆرۆنا نەڕەسیەسە عراق و گلەوداین کەرەنتین لەبان هەڵوێست پەتاگە و بڕیارەیل تەندروسی و سەڵامەتی نیشتمانی وسیاگە، و هەمیش هاتن چوارەم شەپۆلەگە مەرج نییە ئە بنچینە نووەگە بوود، و شایەت خود نشانەیل بیماریەگە نەیاشتاد.