شەفەق نیوز/ وەزارەت دەرەوەی عراق، ئمڕوو یەکشەممە، راگەیان، گەشتیگ ئاسمانی ئەرا سودان ئەنجام دەێد ئەرا گلەوداین ئەو هاوڵاتیە عراقیەیلە ک لەورا گیرکردنە وە مدوو جەنگ ناوخوەی ئەو وڵاتە.
قسەکەر وەزارەت دەرەوە ئەحمەد سەحاف لە بەیاننامەیگ ئمڕوو راگەیان، لە جیوەجیکردن رینمایی سەرۆک وەزیرەیل محەمەد شیاع سودانی، وەپای وەدویاچگن جیگیر سەرۆک ئەنجومەن وەزیرەیل دەرەوە فوئاد حوسێن سەرۆک وتاق ئۆپراسیۆنەیل جواوداین دبلۆماسی، شەوەکی ئمڕوو، سێیەم فرۆکە ک تایبەت کریاوێد ئەرا عراقیە گیرهاتگەیل لە بنکەی ئاسمانی " شەهید محەمەد عەلا" وەرەو فرۆکەخانەی بۆرت سودان هەڵسیا.