شەفەق نیوز/ ئمڕوو پەنجشەممە وە 5 رویداو هاتوچو لە چوار پارێزگا 9 کەس زەخمداربوی کە وەرپرسیگ وەزارەت ناوخوەی و هێزە ئەمنیەیل هاناویان، و 3 کەس ترەک گیان لەدەسدان، لەناویان پێشمەڕگە و زاڕوو هەس.

خەستەخانەی گشتی حەدیسیە لە بەیاننامەیگ رەسیە ئاژانس شەفەق نیوز وت، "پەنج زەخمداری هێزەسل ئەمنی توومارکریاس لە ئەنجام رویداویگ هاتوچو کە لە نزیک ناوچەی سەکێک لەناو قەزای حەدیسە خوەرئاوای پارێزگای ئەنبار رویدایە".

وتیش "تیمەیل پزیشکی بەش فریاکەفتن دەسوەجی و وە تواناو مامەلە وەرد حالەتەیل زەخمداری کردن، کە لەناوەین سووک و ناوڕاسن" دووپاتکرد "بارودۆخ تەندروسی گشت زەخمدارەیل جیگیرە، و هویچ حالەتیگ ناجیگیری نەیرن".

سەرچەوەیگ لە ئەنبار وت، رویداویگ "لەیەکەودان سەختیگ لە نزیک بازگەی جباب لە قائم رویدایە لە ئەنجام زەخمدارەیل سەختیگ کەفتیەسەو".

دیاریکرد "رویداوەگە لە ئەنجام لەیەکەوداین ناوەین دوو ماشین بوی یەکیگ لە جویر سۆرینتۆ، و دویەم لە جویر  GMC، لەبان ری سەرەکییگ کە رەسێدە بازگەی جباب".

دووپاتکرد "لە ئەنجام رویداوەگە شمارەیگ هاوڵاتی تویش زەخمداری جیاواز هاتن، و دەسوەجی ئەرا چارەسەرکردن کلکریانە خەستەخانە" دیاریکرد "لایەنەیل پەیوەنیدار لێکۆڵینەوە سەرەتایی دەسوەپیکردنە ئەرا زانینن رویداوەگە".

لە کەرکوک سەرچەوەیگ ئەمنی وە ئاژانس شەفەق نیوز  خەوەردا لە "مردن پێشمەرگەیگ وە رویداو هاتوچو".

دووپاتکرد "لە ئەنجام رویداوەگە پێشمەرگەیگ وەناو بەختیار غالیب دانشتگ داقوق باشوور پارێزگای کەرکوک گیان لەدەسدا".

لە زیقار سەرچەوەیگ ئەمنی خەوەردا لە زەخمداری 4 کەس لە ئەنجام پلیان ماشینیگ لەبان ری تل لەحم نزیک چەم عبادە باشوور شار ناسڕیە ناوەن پارێزگاگە.

وتیش "رویداوەگە بویە مد زەخمداری خێزانیگ 4 کەسی ژن و پیاگ و دوو مناڵەیلیان" وتیش " پەرا چارەسەرکردن کلکریانە خەستەخانەی سوق ئەلشیوخ".

لە نەجەف سەرچەوەیگ ئەمنی وە ئاژانسەگە خەوەردا " رویداویگ هاتوچو لەبان ری  (نەجف/كەربەلا) رویدا و بویە مدوو مردن لە خێزانیگ 3 کەسی، کە دوانیانیان گیان لەدەسدان و باوگەگە وە سەختی زەخمدارە، کە پلەی عەقیدە لە وەزارەت وەرگیری، جویر وەڕێوەبەر فەرمانگەی کارت نیشەیمانی کارکەێد لە قەزای نەسر لە باکوور زیقار".