ئه‌لمالكى له به‌ياننامه‌يگ ئه‌را(شه‌فه‌ق نيوز)وت: به‌سره مه‌ينه‌تيه‌يل فريه‌يگ وه‌خوه‌يه‌و ديه‌و هويچ كه‌سيگيش تا ئيسه ناته‌سه ته‌نگ رووڵه‌يلى ك هه‌رچه‌نى جوور شاده‌مار عراقه له‌ڕوى ئابووريه‌و، وه‌لى خيزانه‌يلى له‌ناو كه‌لاوه نيشتنه وه‌بى هويچ خزمه‌تگوزارييگ.
ناوبرياگ هه‌ميش وت: مه‌رجه‌عيه‌ت ئنساف به‌سره كردگه له‌وه‌ختيگ ك داوا له سه‌رۆك وه‌زيره‌يل كرد گرينگى فيشتر وه‌پى بدريه‌ێد دوياى ئه‌و هه‌مگه ساڵه‌يل پڕ مه‌ينه‌تيه له زوڵم و پشتگووشخستن، وه‌لى تائيسه سياسيه‌يل هويچ گرينگييگ وه‌پى نه‌يانه.
جى باسه، ئه‌لمالكى باس له‌وه‌يش كرد و وت: حكومه‌ت ها وه‌رده‌م دو هه‌ڵبژارده، يا ئه‌وه‌سه داواكاريه‌يل پاريزگاگه جيوه‌جى بكا يا ئه‌وه‌سه دارايى ته‌رخان بكا ئه‌را راپرسى له‌بان دامه‌زرانن هه‌رێم به‌سره.