له به‌ياننامه‌ى حكومه‌ت عراقى ك(شه‌فه‌ق نيوز)ئاگادارى بوى، عبادى له‌و دانيشتنه بڕيگ ڕى وشوون باس كردگه چ له‌چوارچيوه‌ى ده‌سڵاته‌يل ده‌ستوورى يا له چوارچيوه‌ى تايبه‌تمه‌نديه‌يل ئه‌نجومه‌ن وه‌زيره‌يل ك له‌ى نزيكه‌يله ئاشكرا ئه‌كريه‌ێد.
جى باسه، عبادى جه‌خت له‌وه‌يش كرد ك به‌رنامه‌ى حكومه‌ت بايه‌سه جيوه‌جى بكريه‌ێد وه‌تايبه‌ت له مه‌سه‌له‌ى كه‌مه‌وكردن مووچه‌يل وه‌رپرسه‌يل و ئه‌و ئامووژگاريه‌يله ك مه‌رجه‌عيه وه‌سيه‌ت وه‌پيان كردگه له‌باوه‌ت خزمه‌تگوزارى و خاسسازى و له‌وه‌رگرتن ڕى وشوون ئه‌را مه‌سه‌له‌ى گه‌ناته‌كارى ئدارى و دارايى.