دەسەگە لە بەیاننامەیگ رەسیە ئاژانس شەفەق نیوز وت: کەشوهەوای سوو پەنجشەممە، لە ناوچەی ناوڕاس نیمچە ئەورە و جاروباریش ئەور تەواوە وەگەرد نمە وارانیگ لە شوینەیلیگ جیاجیا، و لە ناوچەی باکوور ئەورە وەگەرد وارانیگ ناوڕاس و جاروباریش گرمەهڕە، و لە ناوچەی باشوور نیمچە ئەورە، و پلەی گەرمی لە گشت وڵاتەگە کەمیگ نزمەو بوود.
وتیش؛ رووژ جمعەڕ رووشنە وەگەرد لەکە ئەوریگ لە ناوچەی ناوڕاس و باشوور، و لە ناوچەی باکوور ئەور و وارانە، تا شەو خاسەو بوود ، و پلەی گەرمی لە ناوچەی ناوڕاس کەمیگ بەرزەو بوود، و لە ناوچەی باکوور نزیک رووژ وەرجە خوەیە، و لە ناوچەی باشوور چەن پلەیگ لە رووژ وەرجە خوەی بەرزترەو بوود.
وتیش؛ رووژ شەممە، نیمچە ئەورە و جاروباریش ئەور تەواوە لە گشت ناوچەیل وڵاتەگە، و پلەی گەرمی لە بەشەیل ناوڕاس و باشوور نزیک رووژ وەرجە خوەیە، و لە بەش باکوور وڵاتەکە کەمیگ بەرزەو بوود.
بەیاننامەگە وتیش: کەشوهەوای رووژ یەکشەممەی ئایندە رووشنە وەگەرد لەکە ئەوریگ، و پلەی گەرمی لە ناوچەی ناوڕاس کەمیگ بەرزەو بوود، و لە ناوچەی باکوور چەن پلەیگ بەرزەو بوود، و لە ناوچەی باشوور نزیک رووژ وەرجە خوەیە.