دەسەگە لە بەیاننامەیگ رەسیە ئاژانس شەفەق نیوز وت: کەشوهەوای سوو یەکشەممە لە ناوچەی ناوڕاس رووشنە و دویای نیمەڕوو بوددە نیمچە ئەور، و شەوەکی تەم دروس بوود کەمکەم پاکەو بوود، و لە ناوچەی باکوور کەمیگ ئەور هەس، و لەناوچەی باشوور نیمچە ئەورە و شەوەکی لەچەن ناوچەیگ تەم دروس بوود کەمکەم پاکەو بوود، و پلەی گەرمی لە گشت وڵاتەگە جویر رووژیگ وەرجە خوەیە.
بەیاننامەگە وتیش: کەشوهەوای رووژ دووشەممە، لە ناوچەیل ناوڕاس و باکوور نیمچە ئەورە، ولە ناوچەی باشوور نیمچە ئەورە و جاروباریش ئەور تەواوە وەگەرد دەرفەت نمە وارانیگ لە بەش خوەرئاوای، و پلەی گەرمی لە گشت وڵاتەگە نریک رووژیگ وەرجە خوەیە.
دیاری کرد ک کەشوهەوای رووژ سێشەممە، لە ناوچەی ناوڕاس ئەوە وەگەرد واران سووکیگ تایبەت لە بەشەیل خوەرئاوای، و لە ناوچەی باکوور نیمچە ئەورە، و لەناوچەی باشوور ئەورو وەگەرد نمە وارانیگ تایبەت لە ناوچەیل خوەرئاوای و شەوانە زیایەو بوود تا گشت بەشەیل ناوچەی باشوور بگردێەو، و پلەی گەرمی لە گشت وڵاتەگە نزیک رووژیگ وەرجە خوەیە.
وتیش: کەشوهووای رووژ چوارشەممەی ئایندە ئەور و وارانە وەگەرد پەڵەی ئەور و تریشقە لە ناوچەیل ناوڕاس و باشوو، و لە ناوچەی باکوور ئەورو وەگەرد واران سووکی تا ناوڕاس و جاروباریش بوودە ئەور و تریشقە، و پلەی گەرمی لە گشت وڵاتەگە چەن پلەیگ داوەزێد.