شەفەق نیوز/ دەسەی کەشناسی عراق، ئمڕوو چوارشەممە، مەزەنەی کەشوهەوای وڵاتەگە ئەرا ئی رووژەیل بانانە بڵاو کرد، و باس هەڵکردن خوەڵوتووز و بەرزەوبوین پلەی گەرمی کرد.

دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا سوو پەنجشەممە، ئاسمان رووشنە و پلەی گەرمی وە گشتی نزیک یەکە، و ئاست نووڕین (6-8) کیلۆمەترە.

وتیش: رووژ جمعە، ئاسمان رووشنە، و پلەی گەرمی وەگشتی کەمیگ بەرزەو بوود، و ئاست نووڕین (8-10) کیلۆمەترە.

دیاری کرد، رووژ شەممەی ئایندە، ئاسمان رووشنە، و پلەی گەرمی وەگشتی نزیک رووژ وەرجە خوەیە، و ئاست نووڕین 

 (8-10) کیلۆمەترە.

دەسەگە وتیش: کەشوهەوای وڵاتەگە ئەرا رووژ یەکشەممەی ئایندە، ئاسمان رووشنە وەگەرد لەکە ئەوریگ لە ناوچەی باکوور، و پلەی گەرمی وەگشتی کەمیگ بەرزەو بوود، و ئاست نووڕین (6-8) كیلۆمەترە.