دەسەگە لە بەیاننامەیگ رەسیە ئاژانس شەفەق نیوز وت: کەشوهەوای سوو دووشەممە، لە گشت وڵاتەگە رووشنە وەگەرد لەکە ئەوریگ، و پلەی گەرمی لە بەشەیل ناوڕاس و باکوور کەمیگ بەرزەو بوو، و لە بەش باشوور نزیک رووژ وەرجە خوەیە.
بەیاننامەگە وتیش: رووژ سێشەممە، لە ناوچەی ناوڕاس و باشوور رووشنە وەگەرد لەکە ئەوریگ، و لە ناوچەی باکوور نیمچە ئەورە، و تونی وا هلیێد خوەڵوتووز بەرزەو بوود، و پلەی گەرمی لە گشت وڵاتەگە نزیک رووژ وەرجە خوەیە.
وتیش؛ رووژ چوارشەممە، لە گشت وڵاتەگە رووشنە، و خوەڵوتووز سووکیگ هەڵسێد، و پلەی گەرمی لە بەشەیل ناوڕاس و باکوور نزیک رووژ وەرجە خوەیە، و لە بەش باشوور وڵاتەگە کەمیگ نزمەو بوود.
وتیش؛ کەشوهەوای وڵاتەگە لە رووژ پەنجشەممەی ئایندە رووشنە، و پلەی گەرمی لە بەشەیل ناوڕاس و باشوور نزیک رووژ وەرجە خوەیە، و لە بەش باکوور وڵاتەگە کەمیگ بەرزەو بوود.