شەفەق نیوز/ دەسەی کەشناسی عراق، ئمڕوو یەکشەممە، نەمەنەی کەشوهەوای وڵاتەگە ئەرا ئی رووژەیل بانانە بڵاو کرد، و باس واران لەی هەفتە کرد.
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا سوو دووشەممە، لە ناوچەی ناوڕاس و باکوور نیمچە ئەورە، و لە ناوچەی باشوور رووشنە وەگەرد لەکە ئەوریگ، و پلەی گەرمی لە ناوچەی ناوڕاس و باکوور نزیک رووژ وەرجە خوەیە، و لە ناوچەی باشوور کەمیگ نزمەو بوود، و دیاری کرد کە پلەی گەرمی مەزن وەیجویرە بوود؛ بەغداد و کەربەلا ٢٨ پلە، ئەنبار و سەڵاحەدین ٢٦ پلە، هەولێر و سلێمانی ٢١ پلە، بابل ٢٩ پلە، میسان و موسەنا ٣٢ پلە، دیوانیە و نەجەف ٣٠ پلە، بەسرە ٣٣ پلەی سەدی.
وتیش: رووژ سێشەممە، لە ناوچەی باکوور نیمچە ئەورە ەەکەرز دەرفەت واران و گرمەهڕ، و لە ناوچەی ناوڕاس و باشوور رووشنە وەگەرد لەکە ئەوریگ، و پلەی گەرمی لە گشت ناوچەیل وڵاتەگە نزیک رووژ وەرجە خوەیە.
دیاری کرد کە رووژ چوارشەممە، لە ناوچەی باکوور رووشنە تا نیمچە ئەورە، وەگەرد دەرفەت واران و گرمەهر، و لە ناوچەی ناوڕاس و باشوور رووشنە وەگەرد لەکە ئەورە، و پلەی گەرمی لە گشت ناوچەیل وڵاتەگە نزیک رووژ وەرجە خوەیە.
دیاری کرد کە کەشوهەوای وڵاتەگە ئەرا رووژ پەنجشەممەی ئایندە، وەگشتی رووشنە وەگەرد لەکە ئەوریگ، و پلەی گەرمی لە ناوچەی ناوڕاس و باشوور کەمیگ بەرزەو بوود، و لە ناوچەی باکوور چەن پلەیگ بەرزەو بوود.