شەفەق نیوز/ دەسەی کەشناس و زەویلەرزەناسی عراق، ئمڕوو پەنجشەممە، خەوەردا شەپوول خوەڵوارینەگە کۆنترۆل کەشوهەواگە کردیە وە دیاریکریاگی لە ناوڕاس و باشوور وڵاتەگە دیاریکرد لە کۆتایی شەو واران وارێد.
دەسەگە لە بەیاننامەیگ رەسیە ئاژانس شەفەق نیوز راگەیان وینەیل مانگەیل دەسکردی دیاریکەن ئەرا شەپولەیل خوەڵوارین لە ناوچەیل ناوڕاس و باشوور وڵاتەگە، لە ئەنجام گورجەوبوین وای روکەشیگ و دەڵەکناینی لەڕی بارستە وای مامناوەندیگ، لە ئیوارەو جیگیرەوبوود.
دیاریکرد، بوین ئەور کومولۆنیمبۆس وەگەرد وارانوارین لبان بەشیگ لەناوچەیل باکوور و باکوور خوەرهەڵات وڵاتەگە، کە مەزەنەکرێد رەشەوای سووکیگ تا مامناوەن وەخوەی بوینێد تا ئیوارە وردەوام بوود وەرجەئەوە کەمکەمە بچوود.
دەسەگە مەزەنەی جیگیربوین واکەێد لە ساعەتەیل بانان وە ئاراستەی باکوور خوەرئاوا وەتونی مامناوەنیگ، وەگەردیا ناجیگیری کەشوهەواگە کۆتایی تێد کە لەماوەی چەن رووژ گوزەشتە کاریگەر بوی.
دووپاتکرد وڵاتەگە داوەزیانیگ وەختانەی پلەی گەرمی وەخوەی دوینێد، لەناوچەیگ ئرا ناوچەی ترەک جیاوازە.