شەفەق نیوز- بەغداد

مەزەنەیل کەشوهەوا لە عراق،  نشان دەن کە رەوشیگ لاواز لە ناجیگیری کەشوهەوا، کە و ئیوارەی ئمئوو یەکشەممە دەس وەپی کەێد، و تا شەوەکی و سوو دووشەممە وەردەوام بوود وە مدوو داوەزین نزمەپاڵەپەستۆيگ کەشوهەوایی کە بارستەیگ وای تا رادەیگ سارد وەگەردیە.

ئی رەوشە، وەپای بڵاوکریاگ پەڕەی "طقس العراق برؤية حسين الأسدي" کە ئاژانس شەفەق نیوز وەدۊای کەفتگە، بوودە مدوو شەپۆلیگ واران لەبان ناوچەیلیگ لە سووریا و تورکیا، و دەرفەتەیل واران باکوور موسڵ و دهۆک و هەولێر گرێدە خوەی، و شایەت وەگەردی چالاکی ئەورە بەڵاچەدارەیل بوود، باوجی ناوچەیل تر وڵاتەگە ئارامی کەشوهەوا تیەێدە بانیان وەگەرد دەرکەفتن بەشیگ لە لەکە ئەور.

وەپای مەزەنەیل، شەپۆل نم و تەڕی لەبان ناوچەیل باشوور، وە تایبەت بەسرە و میسان وەردەوام بوود، کە لە  دۊکەو دەس وەپی کردگە، و مەزەنە کریەێد وە مدوو ئاڵشتبۊن وا وەرەو باشووری خوەرەڵاتی، و مەزەنەیل نشان دەن لە وەردەوامبۊن ئی نم تا کووتایی هەفتە.

مەزەنەیل هەمیش نشان دەن کە رەوشیگ لاواز تر لە ناجیگیری کەشوهەوا لە سوو سێشەممە  کە ناوچەیلیگ لە بەسرە و شایەت بەشەیلیگ لە میسان گرێدە خوەی وەگەرد دەرفەتیگ سنووردار ئەرا دروسبۊن ئەورە بەڵاچەدارەیل، و سەرەڕای دابینبۊن بەشیگ لە توخمە کەشوهەواییە گونجیاگەیل، دەرفەتەگە لاواز و ئاڵشتکار مەنێد.

وا وە شیوەیگ گشتی  وەرەو ئاڵشتکاری چوود، وەرەو باشووری خوەرەڵاتی کز تا مامناوەند لە تونی، هیچ ئاڵشتکارییگ گەورا لە پلەیل گەرمی لە رووژەیل ئایەندە نییە، وەگەرد مەزەنەیل وە بەرزەوبۊنی وە چەن پلەیگ ماوەی پشوو کووتایی هەفتە.