شەفەق نیوز/ دەسەی گشتی کەشناسی و توومار زەویلەرزەناسی عراقی، مەزەنەیل کەشوهەوای ئمڕوو سێشەممە وسوو چوارشەممە راگەیان.

دەسەگە لە راپۆرتیگی کە کەفتیەسەوەر چەو ئاژانس شەفەق نیوز راگەیان، لە ماوەی نیمەڕوو کەشوهەوا پایزی و دەو سەردە لە وەخت شەو، پلەی گەرمی نزیکە لە توومارەیل دویکە شەوە، وەرد بەرزەوبوین کەمیگ لەشەوەکی و شەو.

دیاریکرد، کەشەگە نیمە ئەورە لەشارەیل باکوور و باشوور وڵاتەگە، وەرد دەرکەفتن ئەور بەرزیگ بوودە  ئەور و وەرد بەرق و بەڵاچە لە بڕیگ ناوچەیل جویر دیالە خوەرهەڵات بەغدای پایتەختو سەڵاحەدین و باکوور نەینەوا و سلێمانی و هەولێر و دهۆک لە هەرێم کوردستان وەرد میسانوکەرکوک و واست و بەسڕە.

وەپای راپۆرتەگە واران رفتیگ لەناوچەیلدیالەوسلێمانی وارێد.

وا، باکوور خوەرئاوایە لە شارەیل ناوڕاس و خوەرئاوا و باشووروڵات، سووک تا مامناوەندە، تونیەگەی هاناوەین10 تا 20کیلومەتر لە ساعەت، وایەگە لە ناوچەی خوەرهەڵات وڵاتەگە وباشوور بوود.

لەبارەی مەودای نوڕین لەماوەی ساعەتەیل شەو و شەفەق رووژ چوارشەممە لە ناوچەیل خوەرهەڵات نەینەوا و هەولێر و سلێمانی ها ناوەین 2 تا 4کم لەوەر دروسبوین تەم سوک تا ناوڕاسیگ، مەودای نوڕین لە شارەیل ترەک ها ناوەین8 تا10کم.