شەفەق نيوز– بەغداد 

دەسەی کەشناسی عراق، ئمڕوو دووشەممە، راگەیان کە وڵاتەگە هیمان لەژیر فشار کەشوهەوایی گەرمی مەنیە، کە هیلێد تاوسانەگە لە مەوقەی رووژ فرە گەرم بوود، وەتایبەت ناوچەیل ناوڕاس و باشوور.

  دەسەگە لە بەیاننامەیگ رەسیە ئاژانس شەفەق نیوز وت: بڕیگ هەور جیاجیا لە ئاسمان دیار دەێد، و لە ناوچەی ناوڕاس و باکوور گردەو بوود، وەگەرد دەرفەت نامە وارانیگ لەبان کویەیل لە شار دهۆک.

  وتیش: پلەیل گەرمی نزیک دویەکەس وەگەرد داوەزیان کەمیگ لە بەشیگ لە ناوچەیل، وەتونی وا رەسێدە ناوەین 10 تا 20 کم/س جاروبار لە نەینەوا و ئەنبار و باشوور خوەرئاوای وڵات گورجەو بوود، کە بوودە مدوو هەڵکردن خوەڵوتووز.

 دەسەگە وتیش: ئاست نووڕستن ئاسوویی لە ناوەین 8 تا 10 کم، و هاوار لەو شوینەیلە کە خوەڵوتووز لەناویان هەڵکەێد بڕەسێد 3–5 کم.

دیاری کرد کە پلەی گەرمی ئمڕوو دووشەممە، بەرزەوبوین وەرچەویگ لە شمارەیگ لە پارێزگایل نشان دا کە لە بەغداد و كەركوك و سەڵاحەدین وديالە رەسیە 48 پلەی سەدی، و لە دهۆك 42، هەولێر 46، سلێمانی 43، ئەنبار 46، و کەربەلا وبابل 47، واست و نەجەف 49، دیوانیە 48، میسان 50، زیقار و موسەنا 49، و بەرزترین پلەی گەرمی لە بەسرە توومار کریا کە رەسیە 51 پلەی سەدی.

مەزەنەی پلەیل گەرمی ئەرا سوو سێشەممە نشان داوەزیان کەمیگ لە بەشیگ ناوچەیل دەێد، کە وەیجویرە مەزەنە کریەێد؛ بەغداد 47،  دهۆك 41، هەولێر 44، سلێمانی 41، كەركوك و سەڵاحەدین 46، نەینەوا 45، ديالە 48، ئەنبار 45، واست 49، بابل 47، کەربەلا 46، نەجەف و دیوانیڵ 48، ناسریە 49، موسەنا 48، ميسان 49، و بەسرە هەر بەرزترین پلەی گەرمی توومار کەێد لەپای 51 پلەی سەدی.