دەسەگە لە بەیاننامەیگ رەسیە ئاژانس شەفەق نیوز وت: کەشوهەوای سوو دووشەممە، لە ناوچەی ناوڕاس ئەور و واران و گرمەهڕە،لە بەشەیل خوەرهەڵاتی لە وەخت شەو وارانەگە رفتە، و لە بەشەیل خوەرئاوای وەوەخت شەو ئارامە، و پلەی گەرمی نزیک رووژ وەرجەخوەیە، و لە بەش خوەرئاوا کەمیگ داوەزێد، و لە ناوچەی باکوور ئەور و وارانە و جاروباریش بوودە گرمەهڕ، و پلەی گەرمی کەمیگ داوەزێد، و لە ناوچەی باشوور ئەورە وەگەرد دەرفەت پرزە وارانیگ جاروباریش گرموهڕە، و پلەی گەرمی نزیک رووژ وەرجەخوەیە، و لە بەش خوەرهەڵاتی کەمیگ بەرزەو بوود.
بەیاننامەگە وتیش: رووژ سێشەممە، لەناوچەی ناوڕاس نیمچە ئەورە وەگەرد نمە وارانیگ لە بەشەیل خوەرهەڵاتی، و لە باشوور نیمچە ئەورە و لە بەشەیل خوەرهەڵاتی واران و گرمەهڕە، و لە ناوچەی باشوور رووشنە وەگەرد لەکە ئەوریگ، و پلەی گەرمی لە گشت وڵاتەگە نزیک رووژ وەرجە خوەیە.
وتیش: رووژ چوارشەممە، رووشنە وەگەرد لەکە ئەوریگ لە ناوچەیل ناوڕاس و باشوور، و لە ناوچەی باکوور نیمچە ئەورە وەگەرد دەرفەت واران لە بەشەیل کویە، و پلەی گەرمی لە گشت وڵاتەگە کەمیگ بەرزەو بوود.
وتیش: کەشوهەوای وڵاتەگە لە رووژ پەنجشەممەی ئایندە، نیمچە ئەورە و خوەڵوتووزە لە ناوچەی ناوڕاس، و لە ناوچەی باکوور نیمچە ئەورە وەگەرد واران لە ناوچەیل کویە، و لە ناوچەی باشوور نیمچە ئەورە وەگەرد خوەڵوتووز لە چەن شوینیگ، و پلەی گەرمی لە بەشەیل ناوڕاس و باکوور چەن پلەیگ داوەزێد، و لە ناوچەی باشوور کەمیگ داوەزێد.