شەفەق نیوز/ دەسەی کەشناسی عراق، ئمڕوو شەممە، مەزەنەی کەشوهەوای وڵاتەگە ئی چوار رووژ بانانە بڵاو کرد، وباس هەڵکردن خوەڵوتووز و بەرزەوبوین پلەی گەرمی ئەرا نزیک پەنجا پلەی سەدی کرد.
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا ئی هەفتە، رووشنە و سوو پلەی گەرمی کەمیگ بەرزەو بوود.
وتیش: رووژەیل سێشەممەو چوارشەممە، خوەڵوتووز هەڵکەێد، و پلەی گەرمی نزمەو بوود، وەتایبەت لە ناوچەی ناوڕاس و باشوور.
دیاری کرد کە پلەی گەرمی مەزن ئەرا سوو یەکشەممە، رەسێدە ٤٠ تا ٤٩ پلەی سەدی، وتیش: پلەی گەرمی لە پارێزگایل نەجەف و موسەنا و زیقار رەسێدە ٤٩ پلەی سەدی، و لە بەغداد پایتەخت رەسێدە ٤٦ پلەی سەدی.