شەفەق نیوز/ دەسەی کەشناسی عراق، ئمڕوو دووشەممە، مەزەنەی کەشوهەوای وڵاتەگە ئەرا ئی رووژەیل بانانە بڵاو کرد، و باس هەڵکردن خوەڵوتووز کرد، و سوویش سێ پارێزگا پلەی گەرمی ناو سی پلە توومار کەن.
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا سوو سێشەممە، وەگشتی رووشنە وەگەرد خوەڵوتووز سووکیگ، و پلەی گەرمی نزیک ئمڕووە.
وتیش: رووژ چوارشەممە، وەگشتی رووشنە وەگەرد هەڵکردن خوەڵوتووز، و پلەی گەرمی لە ناوچەی باکوور و ناوڕاس نزیک رووژ وەرجە خوەیە، ز لە ناوچەی باشوور کەمیگ نزمەو بوود.
دياری کرد کە رووژ پەنجشەممە، وەگشتی ئاسمان رووشنە و پلەی گەرمی کەمیگ بەرزەو بوود.
دەسەگە وتیش: کەشوهەوای وڵاتەگە ئەرا رووژ جمعەی ئایندە، وەگشتی پلەی گەرمی کەمیگ بەرزەو بوود.