شەفەق نیوز/ دەسەی کەشناسی عراق، ئمڕوو دووشەممە، مەزەنەی کەشوهەوای وڵاتەگە ئەرا ئی رووژەیل بڵاو کرد، و باس واران و بەرزەوبوین پلەی گەرمی کرد.
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا سوو سێشەممە، لە ناوچەی ناوڕاس نیمچە ئەورە وەگەرد نمە وارانیگ، جاروبار رفتەو بوود لە بەش خوەرهەڵاتی، و لە ناوچەی باشوور نیمچە ئەورە، و لە ناوچەی باکوور ئەور پەڵە دەێد، و پلەی گەرمی نزیک رووژ وەرجە خوەیە.
وتیش: رووژ چوارشەممەر وەگشتی رووشنە وەگەرد لەکە ئەوریگ، و پلەی گەرمی کەمیگ بەرزەو بوود.
دیاری کرد کە رووژ پەنجشەممە، ئاسمان رووشنە وەگەرد لەکە ئەوریگ، و پلەی گەرمی کەمیگ بەرزەو بوود.
دەسەگە وتیش: کەشوهەوای وڵاتەگە ئەرا رووژ جمعەی ئایندە، ئاسمان رووشنە وەگەرد لەکە ئەوریگر و پلەی گەرمی چەن پلەیگ بەرزەو بوود.