شەفەق نیوز/ نەخشەی کەشوهەوا نشان دەێد کە شەپوول گەرمی لەی دە رووژ بانانە دیار نییە، و کەشوهەوای تاوسانی ئاسایی رەد بوود، وەلێ نشانەیل تاوسان وەگشتی باس تاوسانیگ لە پارەکە گەرمتر کەن، کە لەی وەرزە پلەی گەرمی پەیمانەیی توومار کریەێد.
وەگورەی راپۆرتەیل، وە ماوەی دە رووژ بانان، کەشوهەوای تاوسانی ئاسایی وەردەوامە، و شەپوول گەرمی نییە، وەلێ نشانەیل بەرزەوبوین پلەی گەرمی ئەرا یەک رووژ هەس، و دویای ئەوە کەشوهەوای تاوسانی ئاسایی گلەو خوەێد.
لەباوەت مانگەیل تاوسان وەگشتی، مەزەنە کریەێد پلەی گەرمی لەی تاوسانە لە ریژەی سروشتی خوەی بەرزترەو بوود.
مەزەنە کریەێد مانگ تەمووز پلەی گەرمی بەرزتر لە ریژەی سروشتی توومار بکەێد، و مانگ ئابیش وەیجویرە گەرمی لە ریژەی سروشتی بەرزتر بوود، و لە مانگ ئەیلوول پلەی گەرمی لە ریژەی سروشتی خوەی کەمیگ بەرزترەو بوود.