شەفەق نیوز/ دەسەی گشتی  کەشناسی و توومار زەویلەرزەیل، ئمڕوو سێشەممە، هووشداریدا لە سەردی کەشەگە وە تایوەت لە وەخت شەو و شەوەکی رووژەیل ئایندە لە باکوور و خوەرهەڵات وڵاتەگە، وەرد وەفر وارین لە پارێزگایەیل کوردستان.

دەسەگە لە بەیاننامەیگ رەسیە ئاژانس شەفەق نیوز وت، "مەزەنەیل شەوەکی ئمڕوو دیاری کەن، ئەورەیل کۆلۆموس لە لای باشوور خوەرئاوای وڵاتەگە و خوەرهەڵاتی نووەوبوود و وەردەوامبوود تا شارەیل ترەک، هەمیش تەکان نەێد وە ئەور سەردیگ لەلای خوەرئاواوە کە پاڵپشتی بارستەیگ سەردی کەێد لە تاقەیل بەرز".

دەسەگە وتیش "ئەورەیل سەرد وەرد خوەی دەرفەت واران تیارێد لە نیمەڕوو و ئیوارەی ئمڕوو، لە شەو کۆتایی وەپی تێد وە وایگ باکور خوەرئاوای فرە سەردیگ کە توزەتوزە وەرەو شارەیل وڵاتەگە چێد".

دەسەگە هووشداریدا لە دروسبووین شانە ئەورەیل بەرق و بەڵاچە وەرد واران وارین رفتیگ وە تایوەت لە باکوور و خوەرهەڵات و باشوور وڵات، و  لە سەردی سەختیگ لە وەخت شەو و شەوەکی کە لە رووژەیل بانان قویڵترەوبوود و تا ناوەین 5 تا 6 رووژ وەردەوم بوود".

هەمیش هووشداریدا لە "وەفر وارین و داوەزیان فرەیگ پلەی گەرمی لەبان لویتکە کویەیل سلێمانی و هەولێر و خوەرهەڵات دهۆک، وەرد دەرفەت هاتنە ناو لافاو لەلای سنوور واست و باکوور میسان".