شەفەق نیوز/ کەسەی کەشناسی و زەویلەرزەناسی عراق، شەوەکی ئمڕوو شەممە، هوشداری کەشوهەوای (گرنگ) دەرکرد.

لە راپۆرتیگ رەسیە ئاژانس شەفەق نیوز وت: واران بەرزیگ وتارێک کە لە ٥٠ ملم رەد کەێد، کە هاتێ سێل و لافاو لە ناوچەیل هەرێم کوردستان دروس بوود.

دەسەگە نەخشەیگ بڵاو کرد دیاری کەێد کە ناوچەیل هەولێر و سلێمانی لە هەرێم کوردستان وارانەیل بەرزیگ وەخوەیان دوینن، کە هاتی لافاو لەناویان بوود، وەگەرد ناوچەیلیگ لە دیالە و کەرکوک.

دەسەگە دیاری کرد کە سەرەتای هوشداریەگە لە شەفەق رووژ یەکشەممە دەسوەپی کەێد و شەفەق رووژ دووشەممە تەواو بوود.

نەخشەیگ ترەک ئەور گەپیگ نشان دا کە روی وەرەو باکوور بەغداد و سەڵاحەدین و کەرکوک و باشوور نەینەوا کەێد، و ئەوەرەیل بەڵاچەدار روی وەرەو بیاوان سەماوە کەن.