دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا سوو پەنجشەممە، رووشنە وەگەرد لەکە ئەوریگ، و لە بەشەیل خوەرئلوا نیمچە ئەورە، و لە ناوچەی باکوور نیمچە ئەورە جاروباریش بوودە ئەور وەگەرد دەرفەت نمە وارانیگ لە بەشەیل باکووری، و لە ناوچەی باشوور رووشنە وەگەرد لەکە ئەوریگ، و پلەی گەرمی لە گشت وڵاتەگە کەمیگ داوەزێد.
وتیش: رووژ جومعە لە ناوچەی ناوڕاس رووشنە وەگەرد لەکە ئەوریگ، و لە بەش خوەرئاوا نیمچە ئەورە، و لە باکوور نیمچە ئەورە تا ئەور تەواو وەگەرد واران و گرمەهڕ، و دەرفەت وەفروارین لە بەشەیل کویە هەس، و لە باشوور رووشنە وەگەرد لەکە ئەوریگ، و خوەڵوتووز لە بەشەیلیگ لە ناوچەی ناوڕاس هەڵسێد، و پلەی گەرمی لە گشت وڵاتەگە کەمیگ لە رووژ وەرجە خوەی داوەزێد.
کەشوهەوای رووژ شەممە، رووشنە وەگەرد لەکە ئەوریگ لە ناوچەی ناوڕاس و باشوور، و لە باکوور نیمچە ئەورە، و پلەی گەرمی لە ناوچەی ناوڕاس نزیک رووژ وەرجەخوەیە، و لە باکوور کەمیگ بەرزەو بوود، و لە ناوچەی باشوور کەمیگ داوەزێد.
بەیاننامەگە دیاری کرد ک کەشوهەوای وڵاتەگە ئەرا رووژ یەکشەممەی ئایندە، رووشنە وەگەرد لەکە ئەوریگ لە ناوچەی ناوڕاس و باشوور، و لە ناوچەی باکوور نیمچە ئەورە، و پلەی گەرمی لە گشت وڵاتەگە چەن پلەیگ لە رووژ وەرجە خوەی بەرزترەو بوود.