دەسەگە لە بەیاننامەیگ رەسیە ئاژانس شەفەق نیوز وت: کەشوهەوای سوو دووشەممە، لە ناوچەیل ناوڕاس و باکوور رووشنە، و لە ناوچەی باشوور نیمچە ئەورە، و لە بەشەیل باشووری ئەورە وەگەرد وارانیگ لە شەوەکیان، و پلەی گەرمی لە گشت وڵاتەگە نزیک رووژەیل وەرجە خوەیە.
بەیاننامەگە وتیش: رووژ سێشەممە، لەناوچەی ناوڕاس رووشنە، و پلەی گەرمی نزیک رووژ وەرجەخوەیە، و لە ناوچەی باکوور رووشنە وەگەرد لەکە ئەوریگ، لەکە ئەورە، و پلەی گەرمی جویر خوەی مینێد، و لە ناوچەی باشوور رووشنە، و پلەی گەرمی کەمیگ داوەزێد.
دیاری کرد ک رووژ چوارشەممە، لەناوچەی ناوڕاس رووشنە تا لەکە ئەوریگ، و لە ناوچەی باکوور نیمچە ئەورە، و لە باشوور لەکە ئەورە، و پلەی گەرمی لە گشت وڵاتەگە نزیک رووژ وەرجەخوەیە.
وتیش: کەشواهەوای رووژ پەنجشەممە، لە ناوچەی ناوڕاس نیمچە ئەورە، و لە باکوور نیمچە ئەورە وەگەرد واران وارین لە بەشەیل کوێە، و لە ناوچەی باشوور لەکە ئەورە، و پلەی گەرمی لە گشت وڵاتەگە کەمیگ بەرزەو بوود.