شەفەق نیوز/ دەسەی کەشناسی عراق، ئمڕوو یەکشەممە، مەزەنەی کەشوهەوای وڵاتەگە لەی هەفتە بڵاو کرد، و باس بەرزەوبوین نوویگ لە پلەی گەرمی کرد.
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە لە سوو دووشەممە، لە گشت وڵاتەگە ئاسمان رووشنە و پلەی گەرمی نزیک رووژ وەرجە خوەیە.
وتیش؛ رووژ سێشەممە، لە گشت ناوچەیل وڵاتەگە رووشنە، و پلەی گەرمی لە بەشەیل ناوڕاس و باکوور جویر خوەیەر و لە بەش باشوور کەمیگ بەرزەو بوود.
دەسەگە دیاری کرد ک رووژ چوارشەممە، ئاسمان لە گشت وڵاتەگە رووشنە، و پلەی گەرمی لە بەشەیل ناوڕاس و باشوور نزیک رووژ وەرجە خوەیە، و لە بەش باکوور کەمیگ بەرزەو بوود.
دەسەگە وتیش؛ کەشوهەوای وڵاتەگە ئەرا رووژ پەنجشەممەی ئایندە لە بەشەیل ناوڕاس و باکوور چەن پلەیگ بەرزەو بوود، و لە بەش باشوور نزیک رووژ وەرجە خوەیە.